新冠肺炎疫情仍未受控，尋日政府召開特別行政會議，推出加「辣」防疫措施，包括全港食肆全日禁堂食、禁聚令收緊至2人、封閉美食廣場等地的座位、體育處所及游泳池關閉，亦會強制市民於室內及室外的公眾地方戴口罩，所有措施由周三(29日)凌晨起生效，為期7日，直至8月4日。
新措施下，一日三餐都要自行打理，今次就綜合日本農林水産省的「緊急時家庭用備蓄守則」及危機管理教育研究所專家的建議，列出8樣必備物資，大家準備好未呢?!
米
主食絕對唔少得，除了米之外，亦可購買乾意粉、乾麵類等，最緊要係可以常溫保存，保存期較長，建議家中要有一個月份量。另如果家中有小朋友亦可買定班戟粉，有得食又有得玩。
調味料
油同鹽既可調味，亦可以補充人體必需要的礦物質，加上調味料保存期較多，買定合理數量係屋企無妨。
水
雖然家中有水喉水，但日本防災好多時都要儲存樽裝食水係屋企，即使水管爆裂或食水受污染都有水飲。建議每人每日最少要飲用1L水(實際份量需按身高體重而有所不同)，連埋煮食用食水，每人每日最少要有3L儲備，家中最好有一星期份量。
廁紙及衛生用品
日用品同食物一樣，需要有一個月的儲備。以日本人用紙巾為例，平均每人每星期會用一卷紙巾，建議一個二人家庭要有12卷作儲備。另衛生用品如廁房紙、衛生巾、尿片等數量都要留意!
口罩
每人最好有100片口罩以及2個防飛沫面罩作儲備，但請不要過度存貨，有多可分給有需要嘅人。
消毒/清潔用品
無論手指消毒液、衣物清潔劑，以至家具清潔用品都要準備妥當，定期為自己及家具作消毒清潔，保持個人及環境衛生。
平安藥/口腔衛生用品
係呢個非常時期，大家無咩事都唔想去診所或醫院，所以屋企要放定平安藥，以防不時之需。另外，留意口腔衛生用品如牙膏、牙刷、漱口水等是否足夠，要知道呢個時侯有牙痛問題，係幾煩惱嘅事!
番梘/潔手液
洗手好緊要，潔手液又或番梘都可以幫大家洗走細菌。當然番梘比潔手液耐用，大家不用盲搶潔手液。
July 28, 2020 at 03:32PM
https://ift.tt/2CXHw0H
全日禁堂食! 抗疫必備8樣物資儲存幾多先足夠? | 新聞- Yahoo雅虎香港 - 雅虎香港新聞
https://ift.tt/2Yf8A38
0 Comments:
Post a Comment